علمونا بالمدارس ...

علمونا في المدارس كيف نقرا ذا الحروف
علمونا كيف نرسم كيف ننقش بالنحاس

علمونا كيف نكتب كيف نبدع بالوصوف
كيف نبحر بالمعاني كيف ناخذها التباس

علمونا كيف نصبر كيف نقوى هالظروف
كيف نبني هالمواقف استجابة للحواس

والحقائق علمونا كلها سمع وشوف
علمونا وعلمونا كل شي بالمقاس

وان حفظنا كافؤنا وان نسينا بالكفوف
كل مو قف له طريقة والجزاء هو الاساس

فوق هذا سلمونا ولامنعوا عشق يلوف
ولاعطونا درس قاسي يحرم القلب النعاس

يمنع القلب يتمادى ثم ياخذنا حتوف
بين موت وبين شوق وبين لذة سم كاس

اتركونا للمشاعر نحترق لوعة وخوف
نحترق بطول المسافة كلها شوك يداس

واتركونا في الصحاري ثوب مشقوق الكتوف
يحتوينا قيظ حب في عذابه مات ناس

ليتهم ماعلمونا درسهم بهاك الوقوف
ليتهم ما علمونا قسوة الحب ويباس

ليتهم بس علمونا كيف نطفي نار جوف
كيف نمنع ذا الخفوق ونتركه بارض مساس

لاغشانا الود لحظة انتغني بالحسوف
ولا نقول شلون عشنا والعمر ماله قياس

هي اماني والاماني حلمها فينا يطوف
ان خذتنا بالحقيقة ماخذتنا باختلاس

وليتهم وسط المدارس ماعطونا ذا الحروف
ولاعطونا كيف نرسم كيف ننقش بالنحاس

تحياتي لكمـ,,